ໄດອາຣີ່ຂອງ Banine Jothny: 4 ສະໝຸນໄພ ທີ່ສາມາດຊ່ວຍຕ້ານໂຣກຊືມເສົ້າ ແລະ ສາມາດຫາໄດ້ງ່າຍໆ

4 ສະໝຸນໄພ ທີ່ສາມາດຊ່ວຍຕ້ານໂຣກຊືມເສົ້າ ແລະ ສາມາດຫາໄດ້ງ່າຍໆ

ຂຽນເມື່ອ: ສ.ຫ.. 3, 2023 | ມີ 2 ຄຳເຫັນ ແລະ 0 trackback(s)

ໜວດໝູ່: ສຸກຂະພາບ/ອາຫານການກິນ

ຂີ້ໝິ້ນ: ມີການສຶກສາໃນຄີນິກທີມີຜູ້ເປັນໂຣກຊືມເສົ້າ ຊຶ່ງໄດ້ມີການໃຊ້ສານສະກັດຈາກຂີ້ໝິ້ນ 500 ມກ ຫຼັງຮັບປະທານອາຫານເຊົ້າ ແລະ ແລງ, ຢາຕ້ານໂຣກຊືມເສົ້າ (Fluoxetine 20 mg) ເປັນເວລາ 6 ອາທິດ ສໍາລັບເປີເຊັນໃນການຕອບສະໜອງຜົນການການຮັກສາຂອງຜູ້ປ່ວຍ ຢາຕ້ານຊືມເສົ້າ 64.7% ສານສະກັດຂີ້ໝິ້ນ 62.5% ແລະ ເມື່ອໃຊ້ຮ່ວມກັນທັງຢາຕ້ານຊືມເສົ້າ ແລະ ສານສະກັດຂີ້ໝິ້ນ ຈະໃຫ້ຜົນຕອບສະໜອງ 77.8%
ຜັກໜອກ: ມີການໃຊ້ຜັກໜອກມາເຮັດເປັນຢາມາແຕ່ສະໄໝບູຮານ ຊຶ່ງຜັກໜອກສາມາດຊ່ວຍບັນເທົາອາການໂຣກວິຕົກກັງວົນ ຈາກການສຶກສາໃຊ້ສານສະກັດຜັກໜອກ 500 ມກ ມື້້້້ລະ 2 ເທື່ອຫຼັງອາຫານ ໃນຜູ້ປ່ວຍທີ່ໄດ້ຮັບການວິນິໄສວ່າເປັນໂຣກວິຕົກກັງວົນ ອາຍຸຕັ້ງແຕ່ 18 ປີຂຶ້ນໄປ ຈໍານວນ 33 ຄົນພົບວ່າ ເລີ່ມເຫັນຜົນການຮັກສາທີ່ 1 ເດືອນ ແລະ ເຫັນຜົນຊັດເຈນຂຶ້ນທີ່ 2 ເດືອນ.
ນໍ້າມັນຈາກລໍາຕົ້ນຂອງເຂົ້າ ແລະ ໜໍ່ເຂົ້າ: ນໍ້າມັນຈາກລໍາຕົ້ນຂອງເຂົ້າ ແລະ ໜໍ່ເຂົ້າ ມີສານສໍາຄັນທີ່ຊ່ວຍເຮັດໃຫ້ນອນຫຼັບໄດ້ງ່າຍ ດ້ວຍສານ GABA (Gamma-aminobutyric acid) ເປັນສານສື່ປະສາດ ພົບຢູ່ໃນລະບົບປະສາດສ່ວນກາງຄືສະໝອງ ແລະ ໄຂສັນຫຼັງ ມີປະສິດທິພາບທີ່ຊ່ວຍໃຫ້ຮ່າງກາຍຜ່ອນຄາຍ ບໍ່ມີຄວາມກັງວົນ ແລະ ເຮັດໃຫ້ຫຼັບສະບາຍ ຊຶ່ງຢານອນຫຼັບສ່ວນໃຫຍ່ທີ່ໃຊ້ໃນປັດຈຸບັນກໍອອກລິດໂດຍການຈັບຕົວຮັບ GABA ແລະ ສານ N-Acetylserotonin ເປັນສານທີ່ພົບເຫັນຕາມທໍາມະຊາດຂອງນໍ້າມັນລໍາຕົ້ນເຂົ້າ ເປັນສານຕັ້ງຕົ້ນໃນການສ້າງສານເມລາໂທນິນ (melatonin) ຊຶ່ງມີໜ້າທີ່ໃນການຄວບຄຸມວົງຈອນການນອນຫຼັບຂອງຄົນ ມີສ່ວນຊ່ວຍໃນການຄາຍຄວາມຄຽດ, ຄວາມກັງວົນ, ຕ້ານການຊືມເສົ້າ, ຕ້ານອະນຸມົນອິດສະຫຼະ ປົກປ້ອງສະໝອງ ແລະ ປົກປ້ອງເຊວຮັບແສງຈາກຈໍປະສາດຕາອີກດ້ວຍ.
ໝາກອຶ: ມີການສຶກສາພົບວ່າ ໝາກອຶຊ່ວຍບັນເທົາອາການຊຶມເສົ້າໄດ້ ໂດຍສັງເກດພຶດຕິກໍາຂອງໜູທີ່ຖືກບັງຄັບໃຫ້ລອຍນໍ້າ ເຮັດໃຫ້ໜູທົດລອງເກີດພາວະຊືມເສົ້າ ຊຶ່ງໜູຈະມີພຶດຕິກໍາຢຸດເໜັງຕີງ (ບໍ່ລອຍນໍ້າ) ຄ້າຍວ່າຢາກຕາຍ ແຕ່ການໃຫ້ໝາກອຶ ແລະ ສານເບຕ້າແຄໂຣທິນ ມີຜົນທີ່ເຮັດໃຫ້ໄລະຍະເວລາການຢຸດເໜັງຕີງຫຼຸດລົງ ແລະ ຍັງມີຜົນເພີ່ມລະດັບເຊໂຣໂທນິນ ແລະ ນໍອິນິພິເນຟຮິນ ເປັນສານສື່ປະສາດໃນສະໝອງ (norepinephrine: NE) ຊຶ່ງຈະຫຼຸດລົງເນື່ອງຈາກພາວະຊຶມເສົ້າກັບມາສູ່ລະດັບປົກກະຕິ

ກັບໄປໄດອາຣີ່ຂອງ Banine Jothny

ແຈ້ງເນື້ອຫາບໍ່ເໝາະສົມ

Banine Jothny

ເບິ່ງທັງໝົດ

ອ່ານຄືນຫຼັງ

August 2023 (2)
2017 (2)
2015 (2)
2014 (4)
2012 (2)
2011 (3)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.